Sinaysay kan Bangko Sentral ng Pilipinas (BSP) na an inflation kan nakalihis na Abril 2025 an nasa laog pa man kan forecast na 1.3% hasta sa 2.1%.
Sigun sa BSP, nagtitinir na kontrolado an inflation huli man sa pagbaba kan baseline forecasts asin man an padagos na paghupa kan presyo kan mga barakalon.
An risk issues sa inflation an balanseng nahihiling magpuon taong 2025 hasta 2027, kun saen posibleng maglangkaw an singil sa transportasyon, presyo nin karne, asin bayadan sa kuryente, mantang an pagbaba kan taripa sa imported na bagas asin an maluyang global demand an posibleng magpababa kan inflation.
Inilahad kan Monetary Board an hamon sa world economy na posibleng magkawsa nin pagluya sa lokal na ekonomiya.
Huli man digse, posibleng magin mas maluwag an pananalapi kan BSP mantang padagos ining madesisyon basado man sa datos tangani mamantinir an katatagan kan presyo asin suportaran an marhay na pag uswag kan ekonomiya.
