Maabot sa haros 100 kaso nin vote-buying an nairehistro kan Legal Network for Truthful Elections (LENTE) para sa 2025 local and national elections.
Sa sarong pahayag sinaysay ni LENTE executive director Atty. Rona Ann Caritos, kadaklan sa mga insidente soboot ay nangyari sa barangay hall, harong kan mga botante, asin sa mga huring pagtiripon.
Paliwanag ni Caritos, naglobo an mga report kan vote-buying kan naklaihis na Biyernes nin pagkabanggi, tulong aldaw antes man an halalan asin mas laganap pa soboot ini ngunyan man na midterm election kaysa sa national election.
Dugang pa kaini, 70% nin mga reklamong naresiber ninda ay mga vote-buying mantang 30% an mga pag-abuso sa state resources, siring na sana kan pagheheras nin ayuda kan mga kandidato sa tahaw man kan kampanya na sarong kalse soboot nin advantage kan mga incumbent.
Mientrastanto, pigreport kan Commission on Elections (Comelec) na nakaresiber na an Kontra Bigay Committee nin labi sa 400 reklamo katakod man kan vote-buying, vote-selling, asin an paggamit nin government resources sa saindang mga kampanya.
Nangapaudan an LENTE sa publiko na magin mapagmatyag tangani mamantinir an malinig asin patas na halalan ngunyan na Mayo 2025.
