Sarong high school teacher sa Shakopee City, Minnesota an opisyal nang Guinness World Record holder makalihis na magpahiling nin kahanga-hangang fire breating skills.
Si Raederle Sterling, 38, an nakapagkurit nin bagong world record para sa “most flames blown in 30 seconds (fire breathing)” makalihis na magbuga nin 68 beses kan nakalihis na September sa sarong event sa Minnesota.
Sigun ki Sterling, dae kaini pigtuyong habulon an record. Mantang nag-eensayo nin bagong technique kaibahan an saiyang fire troupe, nanutaran kaini na nakabubuga ini nin kadakol na kalayo, sunod-sunod mantang nakaayon sa ritmo kan musika.
Duman kaini naisipan na haputon kun ano an presenteng record asin nakilhag ini na haros na kaini an record.
Labi 20 taon na ining professional performer, alagad ngunyan sana kaini naisipang porbarang ikurit an saiyang kakayanan.
Sa saiyang record breaking attempt, ipinahiling ni Sterling an angking tibay kun pano kaini naibabalyo an kalayo gamit an muro, nagagadan ini gamit an nguso sa paagi kan pagputol nin oxygen, asin kun pano ini nakakapagsindi nin baton gamit an saiyang dila.
Alagad maski kahanga-hanga an saiyang talento, pagiromdom ni Sterling: “Peligroso ini, asin dae paggibuhon sa harong”.
Pig-orgulyo man kaining pigheras an saiyang accomplishment sa mga estudyante.
