Papangenotan ni Pope Leo XIV an magigin inaugural mass ngunyan na hapon sa St. Peter’s Square komo opisyal na pagpupuon kan saiyang pagsisirbi komo bagong lider asin Santo Papa kan simbahan Katolika.
An misa an piglalaoman na papartisiparan kan labi 250,000 na mga indibidwal gikan sa manlaen-laen na nasyon huli ta maikokonsiderar na sarong historya na seremonya an enot na pormal na misa kan bagong Santo Papa.
Sigun sa pamayuhan kan Vatican, matalaga nin labi sa 5,000 na mg security personnel kaibahan an elite Vatican security na Swiss Guards atyan na hapon tanganing masierto na magigin marhay asin igwang bastanteng seguridad an enot na misa ni Pope Leo XIV.
Mientrastanto, piglalaoman man kan Vatican na igwang mga lider sa manlaen-laen na nasyon an ma-atendir sa enot na misa kan Santo Papa kaibahan na digde si US Vice President JD Vance, Ukranian President Volodymyr Zelensky, French Prime Minister Francois Bayrou, Canadian Prime Minister Mark Carney, Italian President Sergio Mattarella asin magin si Prime Minister Giorgia Meloni.
Piglalaoman man na ma-atendir an British Royal Family sa pangengenot ni Duke of Edinburgh na si Prince Edward King kaibahan sinda Philippe asin Queen Mathilde kan Belgium, asin magin si King Felipe VI asin Queen Letizia kan Espaniya.
