Ipigheras ni Cardinal Luis Antonio Tagle an saiyang mga naeksperyensiyahan sa kasuarin sanang Papal Conclave.
Sa sarong entrevista sa Vatican News, sinaysay ni Tagle na an saiyang pananaw an mapadapit ki Pope Leo XIV asin sa yumaong si Pope Francis.
Nakatukaw ini kataid si Cardinal Robert Francis Prevost sa Sistine Chapel kan maabot an 2/3 majority vote para ki Pope Leo XIV.Ipinahayag ni Tagle an paghanga sa bagong Papa, na igwang hararom na kakayanan sa pagdangog asin maingat na pagdesisyon.
Komo saro sa mga cardina na nag-agi sa duwang conclave, sinaysay ni Tagle na igwang dakulang pagkakaiba an naeksperyensiyahan na 2025 conclave gikan 2013 kun saen buhay pa si Pope Benedict XVI.
Ipiglahad kaini na an conclave an sarong liturgical na kaganapan kan pagpangadyi asin paglinig nin motibo na obhetong magsunod sa kalooban kan Diyos.
Pigkokonsiderar ni Tagle na an kultural asin misyonaryong eksperyensiya ni Pope Leo XIV an matao nin bagong perspektibo sa saiyang papacy, asin mapakusog kan koneksiyon sa mga mananampalataya sa bilog na kinaban.
Sa saiyang personale na eksperyensiya komo “papabile,” inako ni Tagle na masakit akuon an atensiyon asin spotlight, kaya naghingowa ining magtinir na tapat sa saiyang misyon asin intensiyon para sa kamarhayan kan Simbahahang Katolika.
Pig-omaw ni Tagle an saiyang legacy kan pagigin tunay na makatawo, na dae sana nag-abot sa mga Katoliko kundi pati na man sa mga bakong Kristiyano.
