Maresiber nin dugang na P1,000 honorarium an mga miyembro kan Electoral Boards (EBs) na nagsirbi kan nakalihis na May 12 midterm elections, inihayag kan Commission on Elections (Comelec) kan nakalihis na Sabado, Mayo 17.
Sinaysay ni Comelec Chairperson George Garcia na pormal ining pighagad sa Department of Budget and Management (DBM) na magheras nin dugang, tax-free compensation sa mga poll workers komo pagbisto sa saindang dedikadong serbisyo.
Inendorso kan DBM an pagluwas kan kabilugang P758,459,000 para sa dugang na kompensasyon, na tulos man na inaprubaran kan Office of the President. Nagpasalamat si Garcia sa DBM asin sa Office of the President sa tulos na pag-aksyon sa kahagadan kan Comelec.
Antes an Aldaw kan Halalan, piglangkaw na an honoraria para sa mga miyembro kan electoral board. An sahod kan EB chairperson ay naglangkaw gikan sa P10,000 hasta sa P12,000, mantang an mga poll clerk asin man ikatulong miyembro kan board compensation ay gikan sa P9,000 hasta man sa P11,000.
