Igwa nin tulong milyong estudyante an nangangaipuhan nin tabang huli sa ‘learning gaps.’ Ini an basado sa nagin assessment kan Department of Education (DepEd) makalihis madiskubre an Philippine Statistics Authority (PSA) na may 5.58 milyong high school graduates an “functionally illiterate” o igwang problema sa ‘comprehension asin man understanding.’
Sinabi ni DepEd Undersecretary Gina Gonong, igwa nin expected na dapat manudan kan mga aki. Enkaso man na dae ninda naabot an nasambitan ng expectation, pigkokonsiderar na igwa talaga nin gap sa pagkanuod.
Kadakol pa soboot problema, kadakol man na factors kun tano nangyayari ini, kaya soboot dapat talagang pagtabangan kan teacher asin magurang tangani maitawid an mga kabali, maaabot ninda an bastanteng kaaraman magin an mga skills na dapat manundan ninda.
An Academic Recovery and Learning (ARAL) Program kan DepEd ay obhetong simbagan an ‘learning gaps’ na rason kan kadipisilan sa pag-aadal asin pag intindi.
An programa ay ipinagsugo kan Republic Act 12028, na tinintaan ni Presidente Ferdinand Marcos Jr. Kan nakalihis man na October 2024.
Sinabi ni Gonong, igwa nin ipapautob na ARAL program, sa irarom kaini, an mga aki ay masairarom man sa assessments tangani idetermina an pangangaipuhan para sa tutorials asin man dugang na mga programa sa pag-aadal sa luwas kan mga classrooms.
An tutorials na gigibuhon nang dae malabi sa sarong oras kada sarong aldaw o dae malabi sa duwang oras kada aldaw para sa weekend programs ay gigibuhon kan manlaen-laeng mga paratukdo.
An public schools an matao nin programa para sa libre, asin man igwa nin mga paglalapigot na gibuhon ining sapiritan para sa mga estudyante na nangangaipuhan nin tabang.
Kaipuhan talagang mag-advocate, kaulayon, mag-orient nin mga magurang tangani maintindihan ninda kun tano kaipuhan talaga mag-undergo nin program an saindang mga aki.
