Aram baya nindo mga ka-bombo, sarong Chinese na babae an kasuarin sana an nagin viral makalihis na iheras kaini an pisikal na pagbabago na saiyang naesksperyensiyahan mantang bados.
Binisto an babae na si Li Wei, gikan sa Kunming sa Yunnan Province kan China.
Sa enot na mga bulan kan saiyang pagbabados magayon an epekto na saiyang nahiling siring kan magayon na kolor kan u-nit asin marhy an pagmate.
Pig-aapod ini kan mga doktor na joy of pregnancy, huli sa soboot halangkaw na estrogen asin progesterone levels.
Alagad sa ika-limang bulan kan saiyang pagbabados, napansin ni Li an pagbabago sa saiyang lalawgon, mas nagin dakula an saiyang dungo, nagkaigwa nin mga kulubot sa angog na mas hararom kaysa sa normal.
Apwera digde sa saiyang pagtungtong sa ikaduwa hasta ika-tulong trimesters nakaeskperyensiya si Li nin mas orog na pisikal na pagbabago.
Nakaeksperyensiya ini nin pregnancy spots sa saiyang mga pisngi, naggatok an mga braso asin bitis siringman an postpartum hair loss.
Alagad sigun sa mga doktor normal sana an nasambitan ng pagbabago na padikit-dikit man na mawara makalihis na mag-aki ini.
Makalihis na mangaki pigsierto kan nasambitan ng babae na masustansiya an saiyang pigkakakan asin nag-e-exercise nin tama.
Sa ngunyan, haros nagbalik naman sa dati an lalawgon kan babae alagad an saiyang post sa social media an padagos na pinag-uurulayan.
