NAGA CITY – Nagtao nin notice letter an BFP-Lupi sa mga establisyemento na padagos na nag-ooperar maski mayo nin updated fire safety inspection certificate.
Sa entrevista kan Bombo Radyo Naga ki SFO1 Zacarias I. Padayao, Chief Fire Safety Enforcement Section kan BFP-Lupi, sinaysay kaini na nagin marhay man an saindang pag-issue kan nasambitan ng notice kun saen ini man sarong routinary activity kan Bureau Of Fire Protection na magkundusir nin fire safety inspection sa gabos na mga establisyemento o business establishment kaibahan an public building na yaon sa lugar na nasasakupan kan BFP-Lupi.
Katakod kaini, an sainda soboot na hepatura an anag-iissue nin notice letter tanganing mapagiromdoman an mga business owner na an saindang fire safety inspectio certificate an paso na.
Dugang pa ni Padayao, an nasambitan ng fire safety inspection certificate an prerequisite kan LGU sa pag-issue nin business permit, ini an tangani soboot masierto na an gabos na mga business establishment an nagco-comply sa mga fire safety requirements alinsunod sa Republic Act 9514 na iyo an basehan sa gabos na aktibides na ipigsasagibo kan BFP.
Basado man sa saindang record igwa pang mga establisyemento an dae pa nakakapag-renew kaya nagtatao soboot sindang notice letter.
Sa ngunyan, pangapodan na sana ni Padayao, orog na sa mga may kansadiri nin negosyo sa banwaan na i-welcome an saindang mga fire safety inspectors huli man ta ini an saro sa mga services na itinatao kan mga bombero tanganing magin salbado an mga kaharongan siring man an mga establisyemento, kun saen sisiertuhon kan BFP na mayo nin rason asin tyansa na magkaigwa nin kasulo an sarong lugar.
