Inihayag kan Department of Agriculture (DA) an planong ibaba an maximum suggested retail price (MSRP) nin 5 porsyentong broken imported rice gikan PHP45 sa PHP43 kada kilo magpuon man sa Hulyo 1.
Obheto kaining mas mapababa an presyo kan bagas asin makatabang sa mga Pilipino, alinsunod sa kasuguan ni Presidente Marcos Jr.
Sinaysay ni DA Secretary Francisco Tiu Laurel na makakatabang man ini tangani mapababa an presyo kan ibang klase nin bagas.
Bagaman nagluya an rice inflation sa -12.8 porsyento kan nakalihis na bulan nin Mayo, nagtitinir na determinado an DA sa pagbaba kan presyo sa tabang kan manlaen-laen na programa siring man kan Rice-for-All asin food security emergency.
Pigsierto man kan DA na dae maaapektaran an presyo kan lokal na bagas sa panahon nin pag-aani.
