Nasa 42% kan pamilyang Pinoy an nagsabi na sinda an bakong tios, na pigkokonsiderar na new record high.
Basado sa resulta kan survey kan Social Weather Station na ginibo puon Abril 23-28, 2025, naglang nin 10 puntos an nagsabing sinda an “not poor” gikan sa 32% kan April 11-15, 2025 survey.
Nalampasan man kaini an 36% kan Marso 2025.
Mientrastanto, nasa kabanga o 50% kan mga pamilyang Pinoy an nagtutubod na sinda an tios. Mas hababa ini nin limang puntos kumparar sa Abril 11-15, 2025 survey.
Naikurit an pagbaba sa Metro Manila asim Mindanao, mantang mayong pagbabago sa Mindanao asin Balance Luzon. Pinakahalangkaw an self-rated poverty sa Visayas, 67% asin pinakahababa sa Metro Manila, na igwa nin 33%.
Sa pigkakarkulong 14.1 milyong self-rated poor families sa latest survey, 2.2 milyon an ‘newly poor’, 2.3 milyon ‘usually poor’, asin 9.5 milyon an ‘always poor’.
Nasa 8% man an nagsabi na sinda an nasa borderline, sa pag-ultanan kan tios asin bakong tios, na maikokonsiderar na record low, na nalampasan an 11% kang Disyembre 2024.
An survey aginibo sa paagi kan face-to-face interviews asin pigbaligan kan 1,500 Pinoy adults sa bilog na nasyon.
