Naglunsar an Israel nin mga pig apod kaining “preemptive strikes” kontra sa Iran, sigun ki Israeli Defense Minister Israel Katz, kasabay kan pagdeklarar nin state of emergency sa bilog na nasyon.
Pahayag kan opisya, kasunod kan preemptive strike kan State of Israel laban sa Iran, nilalaoman an tulos na pag-atake kan mga missile asin man drone kontra sa Israel asin sa mga sibilyan kaini.
Pigreport kan Iranian state media na pirang pagsabog an sunod-sunod na nadadangog sa kabisera kan Tehran, mantang padagos na nagtitindi an tensyon sa rehiyon.
Sarong opisyal kan Estados Unidos an nagsabing mayong direktang partisipasyon o tabang gikan sa US sa mga isinagibong pag-atake kan Israel sa laog kan Iran.
Kinumpirmar man kan sarong Israeli official na pirang beses na nag ulay an National Security Cabinet kan Israel antes na isinagibo an opensiba.
Mientrastanto, isinarado na kan Israel an saindang airspace hasta sa masunod na abiso, sigun sa Ministry of Transportation kan nasyon.
An panibagong lakdang militar na ini an nagbubugtak sa rehiyon sa mas matinding peligro kan mahewasang sagupaan, mantang nakaamba an mga posibleng pag-atake gikan sa Iran komo pagbalos.
