NAGA CITY – Pigheras kan steering committee kan pigsagibong National Youth Day 2025 an mga nagin kaganapan kan mga nag atenir na jovenes.
Sa entrevista kan Bombo Radyo Naga ki JC Madrid, Steering Committe, National Youth Day 2025, sinaysay kaini na nagkaigwa sinda nin misa sa kada host parish o kada harong kan mga perigrino kaibahan an mga volunteers sa Parokya digde sa Archdiocese siring na man an mga foster families na nag ataman o kaiba kan mga perigrino durante kan bilog na NYD.
Sgun pa ki Madrid, nasagibo man nin community exposure na kun saen nagkaigwa nin opurtunidad an mga perigrino na mahiling asin maeksperyensyahan an buhay asin agi-agi kan mga kahimanwa sa Rehiyong Bicol.
Kan nakalihis na Huwebes na, pigsagibo an dispidida na kun saen nakaigwa ninn tyansa na makapagpaabot nin pasasalamat an lambang mga atendees sa lambang saro.
Pagkabanggi man nagkaigwa nin closing vigil sa grounds kan Basilica Minore of Our Lady of Penafrancia sa syudad na madurar ngunyan na amay nin pagkaaga, makalihis kaini pig anunsyar man an masunod na host sa masunod na National Youth Day.
Sa ngunyan, pigtawan duon ni Madrid, na maikokonsiderar kaining nagin matrayumpo an kabilogang durasyon kan event sa ibong kan kadikit na raot nin panahon na naeksperyensyahan, asin ibang technicalities na dae man malilikayan alagad nagin marahay an experiences kan lambang mga kajovenan na nakisumaro sa nasambitan ng event, magin kan mga foster families, kapadian asin ibang mga volunteers
