Gadan an dating Minnesota House Speaker na si Melissa Hortman asin an saiyang agom sa saindang sadiring istaran sa Brooklyn Park makalihis pauranan nin bala an harong kan nakalihis na Sabado (local time).
Sigun sa mga awtoridad, sarong lalaking nagpamalo-malo na pulis soboot an nangbadil sa sainda.
Pig-apod man ni Gov. Tim Walz an insidente komo ”politically motivated assassination.” Irido man si Senador John Hoffman asin an saiyang agom sa saro pang pag-atake sa Champlin, pirang kilometro sana an rayo sa harong ni Hortman.
Binisto man an suspek na si Vance Boelter, 57 anyos, sarong dating political appointee ni Senador Hoffman.
Basado sa nagin imbestigasyon, may darang mga polyetong “No Kings” si Boelter asin mga listahan kan saiyang mga biktima kaiba an mga pangaran kan iba pang lehislador kabali an mga pro-abortion rights official.
Mientrastanto, nagluwas man nin $50,000 reward money an Federal Bureau of Investigation (FBI) para sa makakapagtukdo kan kinamumugtakan kan suspek.
Pinag-abisuhan man an publiko na tulos i-report sa mga otoridad an ano man na impormasyon mapadapit digde.
