Nakatalaan kuanon an mga benepisyaryo kan Tulong Panghanapbuhay sa Ating Disadvantaged/Displaced (TUPAD) tanganing magmando sa mga kadiwa Centers sa bilog na nasyon.
Kasunod ini sa pagpapalawig kan pagpapabakal nin P20 kada kilo kan bagas sa mga kadiwa Centers hasta 2026.
Sigun ki Agriculture Secretary Francisco Tiu Laurel Jr. na igwa na sindang koordinasyon sa Department of Labor and Employment (DOLE) kun papano an pagbubugtak nin mga tawo sa kada KADIWA center.
Nagsagibo man sinda nin pirmahan kan Memorandum of Agreement mapadapit sa nasambitan ng pag-urulay.
Mientrastanto, sigun man ki Labor Secretary Bienvenido Laguesma na sainda pa man pigkukwenta an numero kan mga TUPAD workers na pwedeng ibugtak ninda sa mga KADIWA centers.
Hasta sa mga masunod na taon magkakaigwa nin mas kadakol na KADIWA centers nin huli ta target ninda an makapagpabakal nin P20 na bagas sa 15 milyon kabahayan.
