Ipigheras kan comedian-host asin actor na si Vice Ganda an sekreto kaini mapadapit sa haloy ng relasyon kaini ki Ion Perez.
Sigun ki Vice, an pagkamoot an susi tanganing mamantinir an saindang pag ibahan, na nagpuon sa sarong pribadong commitment ceremony sa Las Vegas kan nakalihis na Oktubre 19, 2021.
Ipinagheras kaini na an pagkamoot, sarong malay na pagpili tanganing magka-intindihan, magkompromiso, asin magin matinao.
Alagad maski igwang pagbabago sa paghiling kan nagkapira mapadapit sa relasyon kan mga bakla asin straight, igwa pa man giraray nin mga tawong dae pa nakakaintindi.
Komo sarong bistadong personalidad na nagtataong boses sa LGBTQIA+ community, pigtawan-duon ni Vice na importante an ipigpapagibo kan komunidad para sa masunod na henerasyon, dawa dai ninda maabot an saindang mga pangarap sa sadiring buhay.
Sinaysay man kaini an saiyang suporta komo kaalyado kan mga nangangaipo, mga nangangarap, asin kan buong LGBTQ+ community.
Sa ibong man kan saiyang trayumpo, nagtitinir na simple si Vice, na naggagamit kan talento sa pagpapangirit.
