BSP mas pinahigot an paglaban sa mga scams

Mas pinahigot ngunyan kan Bangko Sentral ng Pilipinas (BSP) an kampanya kontra sa mga scams.

Sigun ki BSP Deputy Governor Bernadette Romulo-Puyat, na huli ta naglalangkaw an numero kan mga financial scams sa nasyon, liwat na binuhay ninda an programang “Protect Your Money” campaign.

Kadaklan soboot sa mga targets kan mga scammers basado sa saindang pagkarkulo, iyo an mga government retirees asin mga overseas Filipino workers.

Puon kan taong-2022 hasta 2024, nagpakol na sa P3.37 bilyon an naikurit na unauthorized banking transactions.

Pinalawig pa ninda an nasambitan ng kampanya kun saen nakipagtabangan na sinda sa manlaen-laen na ahensiya tanganing dagusang masugpo an nasambitan ng mga financial scams.