Pig-anunsyar kan sarong opisyal kan U.S. State Department na liwat mabukas an mga embahada kan Estados Unidos sa ibang nasyon para sa mga aplikasyon kan student asin exchange visitor visas, alagad igwa nin kahagadan an nasyon na kaipuhan na gibuhong ”public” kan mga estudyanteng aplikante an saindang mga social media profiles para sa masusing beripikasyon.
Marurumdumang, ipinasarado paramientras an visa scheduling kan nakalihis na Mayo 27, alinsunod sa kasuguan kan administrasyon ni Trump mantang pigpapakarhay an bagong panundunan sa social media vetting.
Sigun sa opisyal, gabos nin aplikante para sa F, M, asin J nonimmigrant visas an kaipuhang itao an saindang social media accounts komo parte kan mas pinahigot na background check kan mga consular officers.
Obheto soboot kan bagong panundunan na masiguro an kasalbaduhan asin seguridad kan nasyon sa paagi kan mas mahigot na pagsusuri sa mga dayuhang malaog sa Estados Unidos.
Gayunman, nakaguno ini nin batikos gikan sa mga kritiko na nagsabing pigbabalgar kaini an kalayaan sa pagpapahayag, partikular para sa mga aplikanteng nagpapahayag nin suporta sa mga Palestino o nagbabatikos sa aksyon kan Israel sa Gaza.
Inapod ini kan pira komo pag-atake sa First Amendment kan Konstitusyon kan Amerika.
