ARAM baya nindo mga ka-Bombo, labi an kakilhagan kan sarong pamilya sa Barangay San Simon sa Bani, Pangasinan, kan mahiling an saro sa ipinangaki na tuta kan saindang ataman na ido na “mayong” lalawgon.
Sigun ki Raziel Doctor-Sercado, amo kan nangaki na idong si “Luna,” na mayong mata, mayong dungo, mayong talinga, asin man mayong nguso an saro sa lima kaining aki.
Healthy soboot asin man kompleto an mga parte kan lawas kan tuta, asin an lawgon sana kaini an nagkaigwa nin problema. Normal man an hitsura kan lima kaining tugang.
Buhay na ipinangaki ni Luna an tuta na mayong lalawgon, alagad nagadan makalihis an tulong oras.
Sigun sa veterinarian na si Dr. John Mark Gassingga, sarong congenital defect an nangyari sa tuta na kun saen nangyayari enkaso igwa nin kakulangan sa nutrisyon an inang ido mantang nagbabados.
Sigun ki Raziel, nanutaran kaini an pagbabago sa ugali ni Luna makalihis an pangangaki. Nag-iba an ugali, nagin hyper na haros igwa nin pirmeng pighahanap. Pigtutubudan ni Gassingga na pwedeng may konkesyon ini sa hormonal changes ni Luna.
