Pig-anunsyar kan sarong opisyal kan U.S. State Department na liwat mabukas an mga embahada kan Estados Unidos sa ibang nasyon para sa mga aplikasyon kan student asin exchange visitor visas, alagad igwa nin kahurotan an nasyon na saindang gibuhon na ”public” kan mga estudyanteng aplikante an saindang mga social media profiles para sa masusing beripikasyon.
Marurumdoman, pigsarado paramientras an visa scheduling kan Mayo 27, katakod sa kasugoan kan administrasyon ni Trump mantang isinasaayos an bagong panudon sa social media vetting.
Sigun sa opisyal, gabos nin aplikante para sa F, M, asin J nonimmigrant visas an kaipohan itao an saindang social media accounts komo parte kan mas pinaigting na background check kan mga consular officers.
Obheto soboot kan bagong panundon na masierto an kasalbadohan asin seguridad kan nasyon sa paagi kan mas mahigot na pagsusuri sa mga dayuhang malaog sa Estados Unidos.
Siringman, nag-guno ini nin batikos gikan sa mga kritiko na nagsabing pigbabalgar kaini an kalayaan sa pagpapahayag, partikulamente para sa mga aplikanteng nagpapahayag nin suporta sa mga Palestino o nagbabatikos sa aksyon kan Israel sa Gaza.
Pig-apod ini kan pira komo pag-atake sa First Amendment kan Konstitusyon kan Amerika.
