Pigsaysay ni US Vice President JD Vance na an rinibong tropa kan US na pig-deploy sa Los Angeles ngunyan na bulan an matinir sa lugar sa ibong kan haros sarong semanang kalmado an siyudad.
Marurumduman, pigpadar ni US President Donald Trump an nasa 4,000 National Guard members asin 700 Marines, tanganing proteheran an federal property siringman an mga personahe makalihis an protesta huli sa immigration raids na pigpapautob kan Presidente.
Sigun sa opisyal, nahahadit soboot an saindang lado na liwat na magbungkaras an kariribukan sa lugar kun kaya kaipuhan pa man giraray an nasambitan ng mga tropa sa may parte kan Los Angeles.
Enot na man na pigbatikos kan California officials si Trump huli sa paggamit kaini kan saiyang kasuldaduhan na nagpalala sa protesta na malilikayan kuta kun dae nangiaram an Presidente.
Matuninong soboot an protesta na pigkukundusir kan mga tawo asin kayang maneharon alagad nagin maribok huli sa marahas na kasuguan ni President Trump.
Kadakol an naangot sa Los Angeles huli sa immigration raids komo parte kan kamawotan ni Trump na ipadeport an kadakol na numero kan dae dokumentadong migrants sa bilog na nasyon.
