Nilinaw man House of Representatives na dae ini nagsunad nin pormal na reklamo sa Ombudsman kontra ki Vice President Sara Duterte.
Pahayag ini ni House Spokesperson Atty. Princess Abante kasunod kan kasuguan kan Ombudsman ki VP Sara asin sa iba pang kawani kan Office of the Vice President asin Department of Education na magpaliwanag mapadapit sa isyu nin confidential funds.
Nakabugtak sa dokumento kan Ombudsman an Kamara komo complainant.
Alagad sigun ki Abante, pinadarahan sana kan Kamara an Ombudsman asin iba pang kaukulang ahensya kan kopya nin committee report kan House Committee on Good Government and Public Accountability noong June 16.
Nakapalaog sa committee report an rekomendasyon na sunadan nin kasong criminal, sibil asin administratibo si VP Duterte asin iba pang mga imbwelto na indibidwal.
Kabali sa mga kasong tinukoy sa committee report an technical malversation, falsification, paggamit kan falsified documents, bribery, corruption, plunder, betrayal of public trust asin culpable violation of the Constitution.
