ARAM baya nindo mga ka-Bombo, bakong karaniwang personalidad an nagtao nin keynote speech sa graduation ceremony kan University of Maryland ngunyan na taon huli ta sarong paboritong karakter gikan sa Muppets, Kermit the Frog an inimbitaran tanganing magtao nin inspirasyon sa Class of 2025.
Si Kermit the Frog, sarong sikat na puppet characte gikan sa Muppets kan pigkriar ni Jim Henson asin bistado komo simbolo kan pagigin witty, mabuot asin pagkakaigwa nin positibong pananaw sa buhay.
Sa hampangan kan ginatos na bagong graduates, pig-ako ni Kermit na bakong madali an magtungtong sa totoong buhay, orog na sa panahon na pano nin huma sa ekonomiya asin pulitika.
Alagad imbesb na labanan an lambang saro tanganing maabot an trayumpo, inabisuhan kaini an mga nagsipagtapos na magtarabangan.
Bako na man bago sa University of Maryland an presensya ni Kermit. An saiyang creator na si Jim Henson an nagtapos sa nasambitan ng unibersidad kan nakalihis na 1960, asin igwang estatwa sinda Henson asin Kermit sa campus komo pagbistp sa saindang kontribusyon sa sining asin kultura.
Sa pag-anunsyar kan university president na si Darryll J. Pines, sinaysay kaining napapanahon an mensahe nin pag-asa asin pagkakasararo na hatod kan saindang Muppet, orog na sa pagpupuon kan bagong yugto sa buhay kan mga graduates.
