Pig-enkaminar ni Senate Committee on Migrant Workers Chairman Senador Raffy Tulfo an mga overseas Filipino workers (OFW) sa Israel asin Iran na mag-ebakwar na asin bayaan na an mga kritikal na lugar tanganing masierto an saindang kasalbaduhan.
An pag-enkaminar kan senador sa mga OFW an makalihis ilangkaw kan Department of Foreign Affairs (DFA) sa alert level 3 an duwang nasyon huli sa nagtitinding tensiyon.
Alagad maski an alert level na ini dae pa boot sabihong pwersahang pag-ebakwar asin voluntary repatriation pa sana, mas makakamarhay soboot na maghali na an mga OFW pasiring sa mga salbadong lugar o magpa-repatriate na pa sa saindang kapakanan asin kasalbaduhan.
Dugang pa ni Tulfo, nakaprepar an bilog na pwersa kan gobyerno tanganing magtabang sa mga Pilipino pabweltada sa nasyon asin makapagpuon liwat.
Siring man, pangadyi na sana kaini an kasalbaduhan kan mga OFW asin magin kan mga opisyales na matabang sa mga Pilipino na nasa Israel asin Iran.
