NAGA CITY – Padagos an pagkunstruhir kan Cararayan-Del Rosario Road sa syudad nin Naga.
Sa nagin paghampang sa mga kagawad kan Media ni Nelson Legacion, Mayor Naga City, sinaysya kaini na magigin 4 lanes na an Cararayan bridge na kun saen sa pagpuon kan Road Widening kan Cararayan-Balatas Road kabali na an Del Rosario-Cararayan, naantisipar na kaini na kinakaipuhan na magin four lanes an mga siring na tulay na aagihan.
Sigun pa ki Legacion, amay pa kan nakalihis na taong 2023 haloy na ninda ining nagin kaplanuhan. Labi man an pasasalamat kan opisyal sa Department of Public Works and Highways na napa-onrahan an saindang nagin kahagadan asin ngunyan na semana, mapuon na an preparatory works para man sa pagkunstruhir na magin opisyal nang 4 lanes an Balatas-Cararayan Bridge.
Sa ngunyan man, orog na pig pokusan pa kan opisyal an mga road projects para sa mas progresibong pang babyahe kan mga residentes asin ibang mga byaheros sa nasamabitan ng mga lugar
