Mapuon na sa Hulyo 7 an bidding kan pagdugang kan mga mental health concerns kan publiko, saro sa mga paagi tanganing masimbagan ini kan mga otoridad iyo an pag-apod sa 911 emergency hotline.
Ini an pig-anunsyar ni Department of Interior and Local Government (DILG) Secretary Jonvic Remulla makalihis na magluwas sa inisyal na imbestigasyon kan mga imbestigador na an kaso kan nawawarang law student an pwedeng sarong kaso kan suicide.
Paliwanag ni Remulla, igwa na sindang mga counselors na pwedeng makaulay kan publiko partikularmente na an mga kajovenan kun enkaso igwang namamatean, pwede na sindang magrani sa 911 hotline tanganing tulos na marespondehan ini kan nga trained professionals gikan sa National Center of Mental Health na kaibahan sa 911.
Bako sana soboot krimen asin iba pang concerns an pwedeng simbagon sa paagi kan emergency hotline alagad ibabali na man magin an mental health issues, pwede na man simbagan.
Pigsierto man ni Remulla na halangkaw an interes sa bid lan pagdugang kan mga mental health concerns komo saro sa mga rerespondehan sa paagi kan pag-apod sa 911.
Makalihis soboot an bidding, pwede na man magin operational an function na ini sa 911 emergency hotline sa panduwang semana kan Agosto o enot na semana kan Setyembre.
Mientrastanto, apwera man sa pagresponde sa mga krimen, sulo, asin iba pang klase kan emergencies kan publiko, piglalaoman na pwede na man masimbagan an mga mental health concerns kan publiko sa paagi kan mas pinakusog na 911 emergency hotline.
