Kinumpirma ni Department of the Interior and Local Government (DILG) Secretary Jonvic Remulla na nakaluwas na nin nasyon an gambling tycoon na si Charlie “Atong” Ang sa paagi nin “backdoor.”
Pig-untok muna nii Remulla an pagtao nin dugang na detalye manungod sa eksaktong petsa asin paagi kan pagdulag ni Ang huli ta padagos pa an imbestigasyon kan mga awtoridad.
Dai man muna isinapubliko kan opisyal an huring lugar na kinamumugtakan kan negosyante mantang pinaghahanap pa ini kan ley.
Pinapahanap si Ang huli sa saiyang koneksyon sa naiulat na pagdukot asin paggadan sa haros 34 na sabungero na suboot nagdayo sa mga sabong na konektado sa saiyang negosyo puon 2021 sagkod 2022.
Irinekomenda kan Department of Justice an paghahain nin 26 counts nin kidnapping laban ki Ang asin sa labi 21 pang indibidwal, kaiba an 15 pulis, matapos ibuyagyag nin sarong testigo na sinakal asin itinapok an mga biktima sa Taal Lake sa Batangas sa suboot kasuguan kan negosyante.
