Mas papakusugon pa kan Philippine National Police (PNP) an pagpapautob kan mga pro-active security measures sa Pilipinas dara kan naglalalang tensiyon sa pag-ultanan kan Iran asin Israel.
Sigun ki PNP Spokesperson PBGen. Jean Fajardo, parte kan saindang pagpapaabot nin serbisyong publiko an pagpapakusog kan seguridad tanganing masierto na dae mamamatean sa nasyon an makusog na epekto kan problema sa tahaw kan Iran asin Israel.
Parte pa man kaini an pagbabantay kan PNP sa mga vital installations na igwang koneksiyon sa mga nasambitan ng nasyon tanganing malikayan an pwedeng huma sa public safety kan mga mamamayang Pilipino.
Mientrastanto, padagos man sindang naka-monitor sa mga presenteng estado kan mga Pilipinong nasa Iran asin Israel na iyong naiipit sa problema kan duwang nasyon.
