NAGA CITY – Pigheras kan sarong kapitan sa siyudad nin Naga an mga nao-obserbarang disadvantage kan K to 12 curriculum.
Sa entrevista kan Bombo Radyo Naga ki Angelo Romano Bendiola, Barangay Captain kan Barangay Igualidad, Naga City, sinaysay kaini na kan ini soboot nagklase garo nagin epektibo man maski mayo an K-12 program huli man ta mahihiling sa nagin produkto kan regular na klase kan pagklase maski hasta 4th year High school sana.
Dugang pa kaini, pigsasaysay soboot na an nasambitan ng curriculum an pigpautob tanganing makasabay an Pilipinas sa pagtaraid na nasyon huli man ta igwang educational crisis an Pilipinas.
Alagad, kun manunutaran man ini, garo dae man nagigin epektibo asin nakadugang sana ini sa gastos kan mga estudyante siring man napahaloy pa an panahon kan mga ini sa eskwelahan.
Pigtawan-duon pa kan opisyal na an mga estudyanteng bakong produkto kan K-12 an nagin marhay man an resulta maski na dae nag-agi sa nasambitan ng curriculum kun saen ini man an dae nagin kabawasan sa pagkatawo siring man sa performance kan sarong estudyante, kaya para sa opisyal nasa tawo na sana kun pano kaini ia-apply an saiyang nanudan.
Mapadapit man sa pagkakaigwa na nin trabaho makalihis na maka-graduate nin senior high school, na-obserbaran ni Bendiola na garo dae man nasusunod asin dae natatawan nin hustisya siring man nagigin shortcut ini na maghingowa an mga estudyante na makapag-enroll sa kolehiyo huli man ta naiisipan na kan mga estudyante na naka-graduate na sinda nin Senior High School kaya pwede na an mga ini na makakua nin trabaho.
Sigun pa sa opisyal, an K-12 program an sarong magayon na programa alagad dae sana nagin epektibo sa Pilipinas, kaya kun dae man soboot ini kayang mahali, hagad ni Bendiola na sana dugangan na sana kan gobyerno an pondo kan mga eskwelahan tanganing ma-implementar talaga an importansiya kan nasambitan ng curriculum.
I
