Nasa 283 lawmakers an nagpahayag kan saindang suporta ki Speaker Martin Romualdez tangani ipagpadagos an saindang liderato sa 20th Congress.
Ini an nagin pahayag ni Manila Representative Ernesto Dionision. Iniladawan man ni Lanao del Sur Rep. Zia Alonto Adiong an nasambitan ng suporta komo “overwhelming.”
Mantang mayorya na an nagpahayag kan suporta sa padagos na pamamayo ni Speaker Romualdez, pigtawan duon kan mga miyembro kan Kamara na an boto kan speakership an nagtitinir na sarong personal asin man boluntaryong desisyon.
Ginibo kan mga lehislador an paglilinaw makalihis makipag meeting an Speaker sa mga neophyte asin mga nagbabalik na miyembro kan Kamara sa sarong fellowship dinner kansuarin sana.
Sinabi ninda na mayong apelar si Speaker Romualdez para sa suporta sa nasambitan ng fellowship dinner. Sinaysay kan duwang Kongresista na an dinner an sarong hiro sana tangani sabaton asin tawan inspirasyon an mga bago asin nagbabalik na miyembro kan House of Represenaative.
Sinaysay ni Adiong na nagtao sana nin guidance si Speaker sa mga bagong miyembro kan Kamara kun pano sinda magin epektibong leader sa kanya-kanyang mga distrito.
