Mayo nin ano man na dapat na ikahadit an publiko sa ibong kan mga report na an nagkapirng dating Philippine Offshore Gaming Operator (POGO) workers an nagpapadalagan na ngunyan nin mga ilegal na online operations.
Sigun sa Philippine National Police Anti-Cybercrime Group (PNP-ACG), nagtitinir na kontrolado an sitwasyon dawa pa nag abot na sa labi sa 600 an naarestar katakod kan manlaen-laeng cybercrime cases.
Sinaysay ni PNP-ACG Director PBGen. Bernard Yang na dae ini nakakaalarma nin huli ta basado sa datos gikan kan taong 2022 hasta 2024, nagbaba na an kaso nin online scam sa nasyon.
Bagaman aminado si Yang na nagin hamon sa sainda an pagtugis sa mga bagong modus kan mga dating POGO workers, matrayumpo pa man an operasyon kan pulisya nin huli ta labi sa 100 na an na-convict gikan sa saindang mga naarestar magpuon kan pamayuhan kaini an nasambitan ng unit kan PNP.
