Pigheras kan Korean Actor na si Ahn Hyo-seop an saiyang eksperyensiya para sa enot na voice acting project para sa animated film na Kpop Demon Hunters.
Sigun sa aktor, mawot soboot kaini na gibuhon an proyekto para sa saiyang mga fans asin mawot kaini na mag-explore pa nin bagong genre siringman pag-adalan an kakaibang proseso kan voice acting.
Pigsaysay pa kan Korean actor na personal na nagdulok sa saiya an director kan pelikula para sa nasambitan ng proyekto.
Katakod kaini, huli ta an team na nasa likod kan pelikula an nakabase sa America, igwa soboot kakaibang setup si Hyo-Seop sa pagrecord kaini kan saiyang boses.
Mientrastanto, pigsaladawan man kaini an KPop Demon Hunters na tagos sa puso huli ta nakabase ini sa realidad kan buhay sa presente maski igwang halo o salak na fantasy.
Apwera digde an pelikula nag-iikot sa mensahe na pagkugos sa kakaibang gayon na igwa an lmbang mga tawo sa bilog na kinaban asin an pagpapadaba siringman pag-akseptar sa sadiri.
