Kinumpirmar kan Department of Justice na dae pa man napupuonan an paghahanap sa lawas kan mga nawawarang sabungero sa parte kan Taal Lake.
Kun saen mayo pa man kasiguraduhan kun nuarin ini mapupuonan makalihis na ibuyagyag kan sarong testigo na an mga biktima an ginadan asin inilubong soboot sa nabanggit na lokasyon.
Sigun mismo kiJustice Secretary Jesus Crispin Remulla, maluwas sinda nin report sa publiko sa oras na ini an maisakatuparan o mapuonan nang gibuhon.
Alagad aminado an nasambitan ng sekretaryo na bakong ka preparado an gobyerno pag abot sa mga siring na klase nin operasyon nin huli ta kulang pa sa eksperyensya an mga tauhan kaini. Kaya man saiya pang inihayag na mahagad nin tabang an kagawaran magin sa gobyerno kan nasyong Japan tangani makagamit nin submersible remote robots.
Ini an tangani maparikas an paghahanap sa mga lawas kun mapatotoohang totoo an mga impormasyong isiniwalat kan testigong binisto komo si alyas Totoy.
Marurumduman na enot na pigheras ni Justice Secretary Remulla an pakikipagkoordinar sa Philippine Navy asin Philippine Coast Guard mapadapit sa operasyong mawot maisagibo.
Bako sana soboot ordinaryong pagsisid sa tubig an gigibuhon kundi kinakaipuhan digde pati an mga propesyunal sa paagi kan mga ‘technical diving team’.
Alagad igwa man sindang koordinasyon sa Department of Environment and Natural Resources na iyong magigin katabang man sa mangyayari na paghahanap.
Kaya man pag-asegurar ni Justice Secretary Remulla na saindang gigibuhon an gabos matukoy sana an lokasyon asin man mahanap nin dagusan an mga nawawarang sabungero.
