Pinili pa man giraray ni NBA star LeBron James na magtinir sa Los Angeles Lakers.
Ini makalihis na pilion kan NBA star an $52.6 milyon na player option para sa masunod na season.
Huli kaini, si Lebron an enot na parakawat sa historya kan NBA na makawat kan 23 seasons sa LA ngunyan 2025-26 seasons.
Sinaysay ni Jeannie Buss an controlling owner asin team president na mawot kan 40-anyos na si James na makua pa an kampeonato.
Si James, nagkawat kan 1,562 regular season- games kun saen igwang 50 na kawat na sana an malalampasan na kaini si Hall of Fame member Robert Parish.
Igwa ining average na 24.4 points, 7.8 rebounds asin 8.2 assists sa 70 na kawat kaining 2024-25.
Si James an 21-beses na nagin All-Star player asin four-time league MVP asin man four time NBA champion.
