NAGA CITY- Naipasar na sa siyudad nin Naga an Ordinance No. 2025-048 na nagmamandato na ibugtak sa irarom kan daga an gabos na utility wires o underground cabling.
Mandatoryo na soboot ini para sa mga power, telecom, TV, asin cable service providers na i-transfer an saindang mga wires asin poles sa underground conduits, orog na sa mga priority zones siring kan Centro Naga, CBD II, Magsaysay Lifestyle District, Diversion Area asin Panganiban–Del Rosario–Pili Boundary. Bawal naman soboot an pole clutter sa mga lugar na nasambitan.
Katakod digde, an siisay man na mabayolar an mahahampang sa magkakanigong kapadusahan siring kan multa na nagkakantedad na ₱5,000, Revocation kan business permits asin paghali kan dae nagsusunod na wires.
Marurumduman, pigpuonan an nasambitan ng inisyatibo kan 2022 sa paagi kan City Ordinance No. 2022-064 na pigsurat ni City Councilor Lito Del Rosario.
Saro ining inisyatiba na naglatag nin legislative framework para sa underground cabling na enot man na pigbugtak sa Balatas Development Complex durante kan pagtugdok kan Naga City General Hospital.
Sa ngunyan, nasa full implementation na soboot ini para sa mas salbado, malinig asin marhay na siyudad nin Naga para sa gabos.
