Aram baya nindo mga ka-bombo, napapakunot-noo mantang naoogma na sana an ibang mga netizen sa kakaibang pagbabago sa itsura kan 33-anyos na lalaki gikan sa Japan makalihis na magsairarom sa cosmetic enhancements.
Susog sa report an lalaki an binisto na si Aki kun saen pig-istorya kaini an saiyang makakilhag na pagbabago sa lawas na iyong nagin rason tanganing apudon ini komo anti-aging guru sa social media.
Sigun sa lalaki, nagpuon an pagbabago kan saiyang itsura haros sampulong taon na an nakakalihis, makalihis na insultuhon soboot ini kan saiyang boss sa trabaho asin sabihan na mas gurang ini hilingon kaysa sa saiyang edad.
Apwera digde, nakipagsuhayan man an saiyang ilusyon na rason tanganing ma-depressed asin magbaba an saiyang self-confidence.
Alagad nagdesisyon si Aki na baguhon an itsura asin magin marhay na bersyon kan saiyang sadiri.
Pig-adaptar kan lalaki an striktong regimen siringkan paglalaag nin sunscreen uru-aldaw, mag-uran o init man, pag-ehersisyo nin regular, regular man na check-up sa tulak, regular na pagbisita sa spa para sa skin care.
Inuntok naman kaini an pagsisigarilyo asin an pagturog nin matanga na asin an pag-invest soboot sa cosmetic procedures tanganing mabago an saiyang physical appearance.
Regular man ining nagpapa-botox injections asin pigsierto na an saiyang hairline an pakarhay sa tabang kan hair transplants.
Sa ngunyan, pigsierto ni Aki na padagos ining magigin marhay na inspirasyon sa iba para sa mas marhay na pangangataman sa sadiri.
