Nagpositibo sa E.coli asin Salmonella an P14 million na kantidad nin smuggled o ipinuslit na sibulyas gikan sa China.
Ini an kinumpirmar ni Health Secretary Ted Herbosa kasunod kan isinagibong inspeksiyon kan nakalihis na aldaw kan mga opisyal kan Bureau of Customs kasama ang DOH, Food and Drugs Administration at Department of Agriculture sa mga misdeclared agricultural product na nasamsam sa mga nakalihis na bulan.
Sigun sa sekretaryo an smuggled na pagkakan an huma sa salud kan mga Pilipino nin huli ta posibleng kontaminado an mga ini nin mikrobyong pwedeng humantong sa pagkagadan. Kaya man ipinunto kan sekretaryo na may isyu sa food safety an smuggled food items.
Nagpuon an mga kargamento sa China na nag abot sa Pilipnas kan nakalihis na Mayo 27 asin Hunyo 1 kan presenteng taon asin idineklarar komo assorted food items siring kan sugok, noodles asin kimchi.
Alagad kan isagibo na an inspeksiyon sa mga kargamento kan Hunyo 10, nadiskubre sa containers an pulang mga sibulyas, puting sibulyas asin man frozen mackerel na pigkakarkulong nagkakantidad nin labi sa P34 million.
