Ikinaogma ni Gilas Pilipinas player Kevin Quiambao an pagkakapili sa saiya kan Sacramento Kings na magpartisipar sa saindang training camp.
An nasambitan ng marhay na bareta, nagpapahiling na dagos-dagos na an pag-abot sa saiyang pangaturugan na makapagkawat sa NBA.
Marurumduman, kamawotan na kan dating De La Salle University star an makalaog sa NBA kun kaya puspusan an ginigibo kaining training.
Sigun ki Quimbao an saiyang pagbali sa NBA Summer League posibleng maka-enkaminar nin nagkapirang mga basketball scouts gikan sa liga.
Mienrastanto, sa pagkawat kan nasambitan ng player sa Korean Basketball League (KBL) igwa ining average na 16.9 points, 6.3 rebounds, 3.9 assists asin 1.3 steals sa laog kan nasa 23 na kawat.
Piglalaoman na mabweltada si Quiambao sa KBL na Goyang Sono Skygunners kun saen mapirma ini nin tolong taon na kontrata.
