Nag-agi an defending champion na New York Knicks nin 50-puntos na pagkadaog sa kamot kan Toronto Raptors sa saindang preseason matchup kan (Okt. 14), na nagtapos sa iskor na 148-98.
Dai nag-aksaya nin oras an Raptors asin tulos na nagbuhos nin 42 puntos sa enot na quarter, mantang 22 puntos sana an nakua kan defending champion.
Naotro pa ini sa 2nd quarter matapos magbuhos an Toronto nin 44 puntos asin 25 puntos sana an nakua kan 2026 champion, kaya sa pagtapos kan 1st half, kapot na kan Toronto an komportableng 29 puntos na labaw.
Dai nakasabay an Knicks sa 57.3% na overall shooting kan Toronto huli ta nalimitahan sana ini sa 39.5%.
Maging sa depensa, nangibabaw man an impresibong performance kan 2019 NBA champion matapos ining makakua nin 52 rebounds asin 12 steals.
Nagin dakulang hamon sa Knicks an 17 turnover sa kabilugan kan laban na labi man na sinamantala kan Raptors.
Sa mga nasabing turnover, nakagibo an Toronto nin 19 puntos, sagkod na umabot pa sa 53 puntos an largest lead kan winning team.
