Aram baya nindo mga ka-bombo, pinagmulta an sarong Chinese football club nin mapakol sa 30,000 yuan o katampad nin nasa $4,100 huli sa pagpurbar na i-channel an mga maraot na espiritu sa paagi nin pagbugtak nin mga anting-anting na papel sa locker room kan kalaban na kopoan
Susog sa report, an Changchun Xidu FC, na nagkawat sa China League Two, an napatotoohan na guilty sa pagbugtak nin superstitious items sa laocker room kan saindang kalaban na team antes an kawat kan nakalihis na June 28.
An nasambitan ng lakdang an tanganing maglangkaw an opurtunidad kan Changchun Xidu FC na manggana.
An paggamit kan paper charms an pigkokonsederar na sarong Taoist practice na pinagtutubudan na naggagamit nin enerhiya gikan sa espiritu tanganing magdara nin marahay na kapaladan, alagad pwede man ining abusohon tanganing magkawsa nin danyos asin disgrasya sa iba.
Makalihis na surion an mga ebidensiya, an Chinese Professional Football League (CFL) pinataan nin multa an Changchun Xidu FC huli sa paggamit kan nasambitan ng papel na anting-anting.
Katakod digde, liwat na pigsierto kan Chinese Professional Football League na serysoso sind sa pagpapautob kan probisyon na nakapalaman sa Discipline and Ethics Code.
Mientrastanto, nanggana man sa kawat an Changchun kontra sa Shanxi Chongde Ronghai sa score na 2-0, alagad napatos nin kontrobersiya an saindang trayumpo huli sa nasambitan ng isyu na saindang kinaiimbweltuhan.
