Nagtitinir na pinaghahanap an labi 160 katawo na nawawara haros sarong semana na puon kan manlamasa an mapaminsalang mga pagbaha sa Texas, USA kan nakalihis na Huyo 4, na nag-abot na sa 109 an binawian nin buhay.
Ipigpatanid man ni Texas Governor Greg Abbott na posibleng maglangkaw pa an numero kan mga nawawara kasabay kan nagpapadagos na paghahanap sa mga ini.
Sa Kerr County pa sana, pigreport ni Gov. Abbot na igwang 161 na katawo an nawawra na ipigreport kan saindang mga amigo, kaparientes asin kapitbahay.
Sa nasambitan ng county man na parte kan central Texas reguon na pigbisto komo “flash flood alley” an pinakamatinding nagsapo kan mga pagbaha na nagwalat nin 94 na casualties, kaibahan digde an 27 aking babae asin counselor na yaon sa sarong Christian youth summer camp kan magbulwak an Guadalupe River na harani sa camp asin nagkawsa nin matinding pagbaha sa lugar.
Nagtitinir pa ma na missing hasta ngunyan an limang youth campers asin sarong counselor siring man an saro pang aki na dae kaibahan sa summer camp.
Matinding huma man ngunyan sa isinasagibong search and rescue operations an dae pa man naghuhupang mga tubig-baha asin dalnak sa mga county na matinding tinamaan kan nasambitan ng pagbaha.
