Nagsangat na nin kasong falsification of public documents an Philippine Coast Guard (PCG) laban ki Kapitan Roel Sarmiento kan MV June Aster, konektado sa insidente sa kadagatan kan Coron, Palawan.
Segun ki PCG Spokesperson Commodore Noemie Cayabyab, an reklamo may koneksyon sa suboot salang deklarasyon kan bilang nin mga pasahero kan barko sa mga dokumentong isinumite kan kapitan bago magbiyahe.
Isinangat an reklamo sa Department of Justice (DOJ) kan Setyembre 23 asin sasairarom pa sa pagsusuri kan National Prosecution Service bago an posibleng preliminary investigation.
Nagpepreparar man an PCG nin iba pang reklamong kriminal base sa mga ebidensiyang nakua sa padagos na imbestigasyon.
Mientrastanto, nagpapadagos an aerial search operations sa kadagatan kan Palawan asin Southern Tagalog para sa walong nawawara, mantang pinag-uurulayan na man an pagpaparikas sa salvage operation kan barko.
Base sa pinakahuring datos kan Setyembre 28, umabot na sa 77 an nagadan, 43 an nakaligtas asin walo pa an nawawara sa insidente.
