Nagpataw nin bagong padusa an Estados Unidos sa 22 kumpaniya gikan sa Hong Kong, United Arab Emirates, asin Turkey huli sa soboot pagtabang kan mga ini sa pagpapabakal kan langis sa Iran, sigun sa U.S. Treasury Department.
Nagluwas pa sa report na an pigkikita soboot gikan sa bentaha kan langis, an napapasiring sa Islamic Revolutionary Guard Corps-Quds Force na pigbisto komo sarong makapangyarihang unit kan paramilitary kan Iran kun saen pigkokonsiderar kan Amerika komo teroristang grupo.
Piggamit soboot kan Quds Force an mga front companies asin offshore accounts tanganing ibalyo an gatos-gatos na milyong dolyar na kita asin likayan an U.S. sanctions.
Pigtukoy pa kan U.S. Treasury na piggagamit kan Iran an pondong ini tanganing pondohan an mga weapons programs asin proxy groups sa rehiyon.
Sigun man ki U.S. Treasury Secretary Scott Bessent, an Iran soboot an naglalaom sa shadow banking system tanganing pondohan an program nuclear asin ballistic missiles kaini.
