Pigluwas na kan Aircraft Investigation bureau kan India an saindang preliminary report sa pagbagsak kan Air India kan bulan nin Hunyo.
Basado sa imbestigasyon na pinutol soboot an fuel control switches sa cockpit kan Boeing 787 Dreamliner na nagkawsa sa dae pagkarga kan fuel sa makina.
Ini man an nahiling na nagluwas sa black boxes kabali na an 49 hours flight data asin duwang oras na cockpit audio.
May rekas na kan 180 knots an eroplano kan an duwang makina kaini an nakaeksperyensiya nin fuel cutoff.
Madadangog sa audio recording na hinapot kan piloto kun tano pinutol kan saiyang kaibahan na piloto an fuel control switches alagad ini man an pinahimutikan kan saiyang kaibahan.
An fuel cutoff an makukua sa pag-ultanan kan duwang piloto kun saen ini an igwang locking mechanism tanganing malikayan na aksidenteng mahiro.
An captain kan flight an sarong 56-anyos na lalaki na igwang 15,000 oras sa career kaini mantang an ikaduwa an 32-anyos na igwa man nin 3,400 flying hours.
Marurumduman kan nakalihis na Hunyo 12 nagbagsak an nasambitan ng eroplano na gikan sa Sardar Vallabhbhai Patel International Airport asin pasiring sa London.
