Nagsapo nin duwang saksak sa walang parte kan daghan an Transport Network Vehicle Services (TNVS) driver na si Raymond Cabrera basado sa nagin resulta kan saiyang autopsy report.
Basado sa otopsiya, sarong kitchen knife am posibleng ginamit sa pananaksak asin presenteng hinahanap kan National Bureau of Investigation (NBI).
Kasunod man kaini, nagsuko an tulong suspek na iyong naaatubang na sa patong-patong na reklamo nin robbery-homicide na nagsasairarom na sa inquest proceedings sa Department of Justice (DOJ) kan aldaw nin Sabado.
Basado sa mga otoridad, nasa advanced state of decomposition na an mga lawas ni Cabrera kan madukayan ini sa sarong liblib na lugar sa Nueva Ecija.
Positibo man na binisto kan aki kan biktima an lawas kaini sa paagi kan sapatos na sulot kaini asin magin sa screw kaini sa braso kawsa kan sarong aksidente.
Mientrastanto, presenteng nagsasairarom na an lawas ni Cabrera sa DNA test asin pighahalat na sana an resulta kaini tangani pormal nang mai-turn over an lawas kan biktima sa saiyang pamilya.
