Pinadara na sa opisina ni Presidente Ferdinand R. Marcos Jr an kopya kan Bicameral Conference Committee Report manungod sa bill na nagpapauktaba kan Barangay asin Sangguniang Kabataan (BSK) Elections.
Piglinaw ni Comelec Chairman George Erwin Garcia na madalagan sana ngunian an 30-day period para sa automatic na maging ley o an inaapod na lapse into law an bill kun pirmahan ini kan presidente.
Ini dawa pa kan nakalihis na bulan pigratipikahan kan Senado an Bicam Report sa pagpalawig kan termino kan mga BSKE officials.
Sa irarom kan proponidong bill, gigibuhong apat na taon an termino kan mga opisyal kan barangay asin SK gikan sa tolong taon.
An mga opisyales kan barangay tutugutan na magserbi nin sagkod sa tolong termino alagad sarong termino sana sa SK sa parehong posisyon.
