Pinagpreparan na kan Commission on Elections (COMELEC) an posibleng legal na hamon sa pagpapa-oktaba kan Barangay asin Sangguniang Kabataan Elections (BSKE) na nakatalaan na sana sa Nobyembre 2, 2026.
Segun ki COMELEC Chairman George Garcia, bakong awtomatikong ibabalik an filing kan Certificate of Candidacy (COC) kun igwang maghain nin petisyon sa Korte Suprema kontra sa bagong ley.
Mas pinangangambahan kan poll body an posibilidad na magpaluwas an Korte Suprema nin temporary restraining order o TRO na pwedeng makaapekto sa saindang mga paghahanda.
Giit ni Garcia, dai pwedeng basta-basta ibalik an mga nakanselang aktibidad na mayong malinaw na panuntunan asin supisyenteng abiso sa mga botante asin sa mga gustong kumandidato.
Katakod kaini, bubuksan giraray kan poll body an voter registration poon sa ikaduwang semana kan Nobyembre sagkod Hulyo 2027 tanganing makapagparehistro an mga bagong botante asin makapagpalipat nin rehistrasyon an iba.
Naabot na man sa Php 8B an nagasto kan poll body sa paghahanda para sa ipinagpalibang eleksyon.
Tiniyak man ni Garcia na itatago nguna an mga election paraphernalia, kaiba an mga balota, tanganing mapakinabangan pa sa mga masunod na eleksyon.
Marurumduman na pinirmahan ni Presidente Ferdinand Marcos Jr. an ley na naglilipat kan BSKE sa Nobyembre 2028.
