Aram baya nindo mga ka-bombo, ginamit kan mga Scientists gikan sa Beijing Institute of Technology an nasa 74-milligram insect brain controller tanganing makrear an pigmirar komo pinakaenot na cyborg bee sa bilog na kinaban.
Susog sa report an mga Worker bees kayang magbitbit nin sako kan nectar na nagpapakol sa 80% kan saindang body mass para sa 5 km o 3 miles na mayong pahingalo kun kaya mayo soboot sindang problema na magbitbit pa kan nasa 74-milligram brain controller na pigkriar kan Chinese researchers.
An ultra-light device na ini an pwedeng ikabit sa likod kan bubuyog asin nakakonektar sa utak sa paagi kan sararadit na dagom na makakatabang tanganing makontrol ini kan mga tawo.
An controller naggagamit nin maluyang intensity electric impulses tanganing maibugtak an hiro kan insekto depende sa sitwasyon.
Sigun ki Professor Zhao Jieliang, sa tests na pigsagibo kan saindang team an mga bubuyog pigsusunod an saindang commands 9 na beses sa laog kan 10 pagpurbar.
Mientrastanto, tanganing makriar man an pigmirar komo world’s lightest insect controller, kinaipuhan kan team ni Zhao na mag-print nin circuits sa polymer film na mas magian asin flexible siring kan pakpak kan insekto tanganing maibugtk an kadakol na numero kan chips.
Sa ngunyan, sa ibong kan trayumpo kadakol pa soboot sindang dapat na pag-adalan asin mga problema na dapat mapagtrayumpuhan.
