Parehas laog sa welterweight limit na 147 pounds sinda Pinoy boxing icon Manny Pacquiao asin American boxer Mario Barrios.
Sa isinagibong weigh-in kan nakalihis na Sabado nin pagkaaga sa Las Vegas, tumimbang si Pacquiao kan 146.8 pounds mantang si Barrios an igwang 146.2 pounds.
PIgkokonsiderar na ini na an pinakamagabat na timbang ni Pacquiao magpuon kan ikaapat na pag-atubang kaini ki Juan Manuel Marquez kan nakalihis man na Disyembre 2012.
Huring naglaban si Pacquiao kan nakalihis na 2021 kan daugon kaini ni Yordenis Ugas sa paagi kan unanimous decision.
Mantang an 30-anyos na si Barrios an huring naglaban kan nakalihis man na bulan nin Nobyembre kan nakalihis na taon sa paagi kan 12-round split draw kontra ki Abel Ramos.
Si Pacquiao an igwang 62 kapangganahan, walong daog asin man duwang draw na igwang 39 knockouts mantang an 30-anyos na American boxer na si Barrios an igwang 29 kapangganahan, duwang daog asin man sarong draw na igwang 18 knockouts.
