Pig-apodan ni Israeli Prime Minister Benjamin Netanyahu si Pope Leo XIV.
Pigsagibo an pag-uulay kan duwa makalihis an airstrike kan Israel sa Holy Family Church sa Gaza na ikinagadan kan tolong katawo asin labi 10 iba pa an nalugadan.
Mapakol kaya sa labi 600 na mga Palestino an paramientras na nagdadagos sa nasambitan ng simbahan puon kan magbungkaras an kariribukan.
Sigun sa Vatican, na liwat pig-enkaminar kan Santo Papa si Netanyahu na magkaigwa nin negosasyon sa pag-ultanan ninda kan Hamas tanganing dagusang mauntok an giyera.
Nangangapodan man si Pope Leo XIV sa importansya kan pagproteher sa mga simbahan orog na sa mga mananampalataya asin gabos nin mga tawo sa Palestine asin Israel.
Pigsierto man kan Santo Papa na dae mawawara sa saiyang pagdarasal an mga tao sa Gaza asin Israel na naiipit sa kariribukan.
